نبض شهوه.. قصيدة جديده
الشاعر /خالد الشعراوي
للاستماع للقصيده علي يوتيوب اضغط 👈هنا
بسم الله الرحمن الرحيم
نبض شهوه
لما شفتك كنت عادي
نبضي ليكي نبض شهوه
كنت شايفك كام خروجه
ويا بوسه ف وقت سهوه
كنت طايش بالغريزه
صياد.. وكنتي انتي الفريسه
كنت معدوم الضمير
انسان وساكنه شيطان لعين
يغوي ديا ويغري ديا
وكل يوم ليا ضحيا
كنت شايف بنت حواء
مزاا لمزاج الخمور
كنت زي شباب كتير
قلوبهم أشبه بالقبور
كنتي صابره على الخيانه
وكنت انا دايمآ بخون
كنتي دعوه دعتها امي
يرزقك بنت الاصول
كنتي بر طهاره صافي
لحد ادمن الفجور
________
قلبي اسف انه سابك
وانه كان راضي بعذابك
واني خونت الطيبه فيكي
عيني اسفه انها بكت عنيكي
فراقك انتي ياحبيبتي
بدل النبض ف وريدي
نبضة الشهوه سابتني
لما قولتي خلاص تسيبي
وفجأه اول مره قلبي
ينبض ارجع ياحبيبي
اوعدك اني هصونك
وأبقى ليكي امان وبيت
اوعدك ولا يوم هخونك
ياللي على برك نجيت
#خالد_الشعراوي
تعليقات
إرسال تعليق