بسم الله الرحمن الرحيم
للاستماع اضغط هنا 👈الشاعر /خالد الشعراوي
عن حب الصعايدة اتحدث
عارف ان دمي تقيل
وساعات تانيه ببقي ثقيل
وبتعصب وبتنرفز
لاني بغير
وغصب عنك اتحمليني
سايسي قلبي احتويني
وقت خوفي عليكي حاولي
تطمنيني
ياللي حبك حاجه خارج الإرادة
وكل يوم جوه قلبي فالزياده
بستماته انا مشتريكي
ولما بقسي بتبقي قسوه
خوف عليكي
ف اعذريني وافهميني
يابنت قلبي اسمعيني
انا صعيدي وليا عادات
ومهد الحب عندي غريب
وصوت البنت دا بالذات
لو يعلي بشوفه عيب
محبش اقول مرتين ممنوع
اللي اقوله مره واحده
يكون مسموع
وانتي معأيا خليكي
بنت طينتها حنيه
وف الشارع مع غيري
صوره من شويش دخليه
وتعالي ف حضني اشكيلي
وسيبي حزنك علي كتفي
كل مواجعك احكيلي
و من فرحي استكفي
دانا عايش عشان فرحك
ويشهد بينا رب الكون
لو ليله ابات جارحك
بيهجرني فيها النوم
واسهر عليل قلبي
وطيفك يترسم جمبي
واتاسف علي اللي كان
واقولك أن مش ذنبي
احب واغير
انا قبلك قبلت كتير
لا غيرت ف مره ولاحبيت
وبنظره كنت ليكي اسير
فاصبحتي ليا اهل وبيت
واصبح ليا عليكي فروض
وم المفروض
مدام رضيتي بصعيدي
تكوني ف طباعك ملكه
من دون البنات حبيتي
راجل بمعني الكلمه
بيحب بكل احساسه
بيغير حتي من ناسه
بيتعصب ف ساعة الجد
و100 قفل علي راسه
ولما تقولي اسفه غلط
تلاقي جبل الزعل اتهد
ويضمك قلبه قبل دراعه
بحب الدنيا مش هتساعه
ويتحول لطفل برئ
نفسه يشاركك الخطوه
لاي طريق
لاني بغير
عايزك تفهمي احساسي
ولو قالو دا واد قفل
قوليلهم بردو تاج راسي
#خالد_الشعراوي
وربنا الله يباركلك
ردحذفحبيبي تسلملي يارب
ردحذفجميله يا خالد تسلم ايدك
ردحذف