قصيدة قمة الروعه
بسم الله الرحمن الرحيم
_________________________________
كلمات الشاعر خالد الشعراوي
نفسي يكتب قلمي مثلا ..
شعر يوصف اي اللي فيا
ومهما اشكي ولا احكي
تبقى مشاعري عاديه
زي غنوة رقيقة هادية
صوت ف خفة دم شادية
زي عزف كمان حنين
بس برضه يبان حزين
زي ضحكة ضحكها قلبي
كان بداية دمعتين
زي حاجة مني هربت
بس غلباني الحنين
زي ريحة وردة دبلت
صعب تمحيها السنين
زي كلمة (عادى ) اللي
واصفها حيرة و انين
زي لمسه ليك تملى
لسه فاكرها الادين
زي ايه بقى و لا ايه
مهما هوصف هوصف ايه
ده الملخص (عادى) جدا
يالى فاهمين عادى ليه
#خالد_الشعراوي
تعليقات
إرسال تعليق