قصيدة جديده بعنوان الحكايه ف كلمتين
بسم الله الرحمن الرحيم
_________________________________
الحكايه ف كلمتين
أن أصله واد مخادع
وأنه عاش يكدب سنين
م البداية هو بايع
قلبه يشبه ورده دبلت
منها ريحة الحب سافرت
كل يوم يخدع بنيه
وكل يوم قصه وضحيا
والحكايه هي هيا.. ف كلمتين
بنت شايفه شبابها فرصه
قلبها يشبه ل غرزه
اللي داخل واللي طالع
واللي شاري واللي بايع
بنت سهله لأي حد
لبسها يكسف بجد
نسيت ان ليها اب
نفسه يوم يشوفها حاجه
ولو رجعنا للي فات
هنلاقي أن الواد ساعات
نفسه ينضف م العيوب
قلبه تعبان م الذنوب
بس طيش الدنيا واخده
لجملة اني بكره اتوب
ونفس الجمله عند البنت
تلاقي برضو ليها مكان
كان الموت دا حاجه فشنك
وضمنين الحياه لقدام
دا موت الفجاه يدوب تانيه
بتلاقي الحياه مفراااك
سنين عايشنها فالدنيا
ونسيين حسابنا هناك
هتقول اي لرب اداك
جمال الشكل والتشكيل
هتحاربه بنعمه عليك
دا حسابه بجد تقيل
ومين فينا هيقدر انه يتحمل
غرور النفس وقت الموت بيتحول
يا شايفين الحياه باقيه
عيدو الحسبه من تاني
حال الدنيا دا ساقيه
هيلف وييجي ع الجاني
الحكايه ف كلمتين
ياللي اخترت أن تظلم
بكره تبقي من المظلومين
#خالد_الشعراوي
لو القصيده عجبتك اعمل متابعه عشان يوصلك كل جديد ليا
تعليقات
إرسال تعليق