رسالة عاشق
بسم الله الرحمن الرحيم
............................................................
صدقيهم لو قالولك
انى بلعب بالمشاعر
وانى شاطر فى الحكايه
من شطارتى طلعت شاعر
وانى عارف قبلك انتى
ييجى دسته من البنات
وان نص كلامى ليكى
قولتهولهم بالساعات
وانى بنسى الذكريات
وانى كنت سنين طويله
بقعد اكدب فى الكلام
وانى لما زهقت منهم
روحت قولتلهم سلام
وانى جارح فى القلوب
لكن اوعى تصدقيهم
لو قالولك مش هتوب
اصلى توبت لما قولتى
نفسى دايما اكون معاك
اصلك انتى مش مجرد
بنت عادى لأ ملاك
يبقى مستحيل اسيبك
زى يوم ما قدرت اسيبهم
متخافيش من حد منهم
انتى غيرهم
#خالد_الشعراوي
تعليقات
إرسال تعليق