نصائح لزيادة حجم العضلات للاعبي كمال الأجسام

نصائح لزيادة الضخامة العضلية :

1/ ارفع وزن مناسب .. يعنى عشان تزود من كمية العضلات لازم تشيل وزن يناسبك
ببساطة الوزن اللى يخليك تعمل 8 عدات ( بالعافية ) .

2/ مرن العضلة بعد فترة راحة 72 ساعة ( 3 ايام ) .. لانك لما بتمرن العضلة بيحصل تمزق عضلى ( تهتك ) ودة بياخد فترة استشفاء عضلى بتاخد 3 ايام تقريبا عشان العضلة تلتئم يعنى ما ينفعش النهاردة تلعب ظهر وتيجى بكرة تلعب ظهر تانى .

3/ تنوع التمارين .. لازم تنوع تمرينتك وتغيرها كل فترة وبلاش تحط العضلة فى روتين مستمر لان كدة هييجى عليك وقت هتلاقى جسمك ثابت مش بيتقدم .

4/ ركز فى حركاتك ... وانت بتنزل بالوزن على العضلة يا ريت تنزل بهدوء بلاش سرعة يعنى اعمل ضغط على العضلة .

5/ الاكل ... ناس كتير بتاكل ومش بتلاقى ضخامة .. بس فية حاجة مش واخدين بالنا منها وهى ان اكلك مش بيحتوى على بروتين وكاربوهيدرات بشكل كافى فلازم تركز عليهم .

6/النوم .. لازم تنام يوميا 8 ساعات مش اقل من كدة علشان عملية البناء تتم بشكل كامل وسليم لان عملية البناء عند الانسان العادى بتتم فى 6 ساعات نوم اما الشخص الرياضى بيحتاج 8 ساعات للبناء .

واخيرا ....

نصيحة هامة :
اتمرن كويس ... اتغذى كويس ... نام كويس .. هتلاقى نتيجة ترضيك .

وعااااااااااااااااااااااااااااااااااااااااااااااااش يا وحش .