اعتراف.. قصيدة روعه
بسم الله الرحمن الرحيم
_____________________________________
قصيدة جديده بعنوان بعترف
____________________________________
بعترف
برغم البعد والفرقه
ورغم التوهه والحرقه
لسه عليكي بغير
وساكنه القلب والتفكير
بعترف
كنت جاهل جدآ معاكي
كنت أصغر من هواكي
كنت حد ضعيف وخايب
حتى في لحظة لؤاكي
كنت خام
كنت اتهته فالكلام
لو جيت اغزلك.. كلمة بحبك
كنت اقولها وكلي خوف
اصل الكسوف..
بيكون ماليني..
لو مره عينك جت ف عيني
كنت بفرح كنت بسرح كنت اخاف
كنت حاسس ان بكره سنين عجاف
طب فاكره من سنه زي النهارده
لما قولتي مشاعري بارده
كنت نفسي اصرخ واقولك
انتي شمسي وليلي ضلك
واني عاشق للنخاع
وان بيكي حزني ضاع
وانك انتي عشقي الوحيد
واني مهما اقول واعيد
انتي اكبر م الكلام
مليون قصيده ف الغرام
مهيوصفوش
#خالد_الشعراوي
تعليقات
إرسال تعليق