قصيدة جديده بعنوان مابوحشكيش
مابوحشكيش
ماجتش مره على بالك
وقولتي تسالي عليا
طب سهله عليكي ايامك
وبدون أوجاع معديه
طب لسه فاكره حاجه ليا
ولا مافيش
مابوحشكيش
وايامنا زمان وسهرتنا
وصوت الفرح ف ضحكاتنا
وهزارنا وسط صحبتنا
انا مش قادر فالعذاب دا اعيش
وحشتيني مابوحشكيش
قلبي كتير بيسالني
ومش لاقي لسؤاله جواب
وبتهرب ب اي اعذار
واحاول احور الاسباب
واقوله ياريت ماتسالنيش
مابوحشكيش
ولا قصايدي وحشاكي
انا لو كنت بكتب شعر
ف شعري ليكي مولاتي
بيتسطر
ومين يقدر
يعيش والروح بتبشه موت
بكاه جواه.. وبرا سكوت
وازاي ع الفراق مابكيش
مابوحشكيش
ياحابسه الضحكه بغيابك
ورابطه الفرحه على بابك
انا اسف على عتابك
واسف ع اللي كان مني
هعيش العمر مستني
ماتنسانيش
مابوحشكيش
#خالد_الشعراوي
ربنا يوفئك يا خالد
ردحذفربنا يوفئك يا خالد
ردحذفربنا يخليك ليا ومايحرمني من وقفتكم جمبي
ردحذففنان ربنا يوفقك
ردحذفحبيبي يانوبل تسلملي ياغالي
ردحذفابن خالتي الشاعر فنان طبعا
حذفشاعربجد
ردحذف