شعر حزين
بدعي عليكي تعشقي غيري
ومايحسش ف يوم بيكي
ومصيرك يبقي نفس مصيري
ودمعي تجربه عنيكي
وتحسي باللي انا حاسه
بركان جوايا وانا حابسه
بيقتل ف ساعة النوم
تجاهلك ليا كان خنجر
ووقت الطعن كان مسموم
ماشوفتيش مني قسوه ف يوم
فا دوستي عليا بزياده
وكالعاده
منتظره اني اجي.... خاضع
وانسي الجرح اللي لسه..... واجع
جرحتي المره دي بقوه
ف خرجتي كل اللي كان جوه
ماتتفجايش
انا حد كان حلمه أن بيكي يعيش
رسمت ليكي كام فرحه
وفستانك مع الطرحه
طلبتك ليا ف حلالي
واتاري كلها اوهام
عشتها بس ف خيالي
#خالد_الشعراوي
تعليقات
إرسال تعليق